check

You are here

Сұрақ-жауаптар «Еңбекке ақы төлеу әдіснамасы»

Мен жоғары білімді технология пәнінің мұғалімімін. Мектепте лаборант болып жұмыс істеймін. Маған лаборантқа төленетін ақы жоғары білім бойынша категория G10 -мен төлену керек болса, оны аудандық білім бөлімінің экономисі G13 -ке түсіріп тастады. Осы заңды ма?
Жауап: 

Қазақстан Республикасы Үкіметінің 2007 жылғы 29 желтоқсандағы № 1400 қаулысының Азаматтық қызметшілердің (білікті жұмысшыларды қоспағанда) санаттар бойынша лауазымдарының тiзiлiмiне сәйкес бiлiктiлiгi жоғары деңгейлi зертханашы G-10 категориясына жатқызылған.

Сондықтан, Сізге еңбекақы G-10 категориясы бойынша төленуі тиіс.

Е ңбекақы төлеу әдіснамасы бөлімінің жетекші маманы Бейсембаева Д.А.

Сұрақтың нөмірі: 208703
20 наурыз, 2008 - 00:00 өзгертілді
Мен Боранбай Жансауле мектеп мұғалімімін. 2005 жылы ваканциялық орынға, конкурс арқылы өттім, 20 сағатпен жұмысқа алындым. 2006 жылы 19 мамырдан бастап декреттік демалысқа шықтым. 2007 жылы қаңтар айында жұмысқа қайта қосылдым. Бірақ 14 сағат берді. Ал 2007-2008 оқу жылында 11 сағат берді. Мен бастапқы 20 сағатымды талап етуіме болады ма? Алдын ала рахмет. Жауабыңызды күтемін.
Жауап: 

Қызметкердің жұмыс берушіден еңбек шартының, ұжымжық шарттың талаптарын орындауды талап етуге және өзінің құқықтары мен заңды мүдделерін заңға қайшы келмейтін барлық тәсілдермен қорғауға, Қазақстан Республикасының еңбек кодексінің 22 бабына сәйкес, құқығы бар.

Осыған орай, егер 2005 жылы жасалған еңбек шартыңызда 20 сағат көсетіліп, одан кейінгі уақытта еңбек шартына көрсетілген сағатыңызды азайту жөнінде өзгерістер енгізілмеген жағдайда, жұмыс берушіден алғашқы аталға 20 сағатыңызды талап етуге болады.

Қ азбеков Думан Қ абду ұлы бас маман – бас мемлекеттік еңбек инспектор ы

Сұрақтың нөмірі: 208637
17 наурыз, 2008 - 00:00 өзгертілді
Қазақстан Республикасының «Мемлекеттік қызмет туралы» Заңының 27 бабының 1 тармағының 1) тармақшасында көрсетілгендей,зейнеткерлік жасқа толуыма байланысты егер де жұмыс беруші келіспеген жағдайда 1 жыл жұмыс жалғастыруыма құқылымын ба?
Жауап: 

Қазақстан Республикасының «Қазақстан Республикасында зейнетақымен қамсыздандыру туралы» заңына сәйкес, зейнетақы төлемдері: еркектерге 63 жасқа толғанда, әйелдерге 58 жасқа толғанда тағайындалады.

«Мемлекеттік қызмет туралы» Қазақстан Республикасының 1999 жылғы 23 шілдедегі N 453 Заңы 27-бабы 1-тармағы 1-1) тармақшасына сәйкес, мемлекеттік әкімшілік қызметшілердің мемлекеттік қызметті тоқтатуы үшін тараптардың өзара келісуі бойынша еңбек шартын жасасу жолымен Қазақстан Республикасының заңдарында белгіленген зейнеткерлікпен жасқа толуы негіз болып табылады. Ал егер бір тарап келіспесе, онда келісім ұзартылмайды.

Қуатбекова Ж. еңбек туралы заңнама бөлімінің бас маманы - бас мемлекеттік еңбек инспекторы

Сұрақтың нөмірі: 208476
7 наурыз, 2008 - 00:00 өзгертілді
Мен Аймағамбетова Жұмабике Қайрлапқызы,1950 жылы 11 наурызда Ақтөбе облысы, Шалқар ауданында дүниеге келдім. Мемлекеттік қызметте бас маман болып жұмыс жасаймын,зейнет жасына келуіме байлнысты, сізден сұрайын дегенім , менің жұмысты әрі қарай жалғастыруыма болады ма? Рахмет.
Жауап: 

Құрметті Жұмабике Қайрлапқызы! Қазақстан Республикасының «Мемлекеттік қызмет туралы» Заңының 27 бабының 1 тармғының 1) тармақшасына сәйкес мемлекеттік әкімшілік қызметкер Қазақстан Республикасының заңдарында белгіленген зейнеткерлік жасқа толуына байланысты тараптардың өзара келісуі бойынша мерзімді еңбек шартын жасау жолымен мемлекеттік қызметте болу мерзімін бір жылға ұзартуға құқылы.

Осыған орай, жұмысты әрі қарай жалғастыру мәселесі, жұмыс берушімен еңбек шартын өз ара келісу арқылы жүзеге асырылады.

Қ азбеков Думан Қ абду ұлы бас маман – бас мемлекеттік еңбек инспектор ы

Сұрақтың нөмірі: 208365
28 ақпан, 2008 - 00:00 өзгертілді
Қазақстан республикасының 13 қазандағы 2006 жылғы № 995 қаулысымен бекітілген Қазақстанда ақпараттық теңсіздікті төмендету бағдарламасы бойынша халықты компьютерлік сауаттылыққа үйретуге арналған бағдарламада оқытушысына төленетін жалақыны аптасына 40 сағат бекітілген 1 сағатқа төленетін ақысын табу үшін 8712*0,07 ҚР 11 қаңтар 2002 жылғы №41 қаулысының 20 қосымшасына өзгерту ҚР қаулысы 30 қараша 2006 жылғы №1156 күшіне 1 қаңтар 2007 жылдан қолданысқа енді осыған байланысты менің есептеуім дұрыспа? Оқытушылар арнайы курыстан өтіп сертификаттары бар.1 сағаттық ақысын табу үшін 8712*0,0,07-ге көбейтіп =609,87 тенге шықты. Маған осы есептеуім дұрыс немесе қателігін білгім келеді
Жауап: 

Құрметті Балжан! Қазақстан Республикасы Үкіметінің 2007 жылғы 29 желтоқсандағы № 1400 «Азаматтық қызметшілерге, мемлекеттiк бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлерiне еңбекақы төлеу жүйесі туралы» қаулысының 20-қосымшасына сәйкес мемлекеттік мекемелерде оқу сабақтарын өткізуге тартылған ғылыми дәрежесі жоқ қызметкерлерге сағат бойынша ақы төлеу ставкасы Қазақстан Республикасының Үкіметі белгілеген базалық лауазымдық жалақыны (8712 теңге) сағат бойынша ақы төлеу коэфициенттерінің тиісті мөлшеріне (0,07) көбейту жолымен анықталады.

Е ңбекақы төлеу әдіснамасы бөлімінің жетекші маманы Бейсембаева Д.А.

Сұрақтың нөмірі: 208345
25 ақпан, 2008 - 00:00 өзгертілді
Сәлеметсізбе!Мен техн.ғыл.кандидаты, доцент 1977 жылы мектепті бітіргелі мемелекеттік мекемелерде, соның ішінде 1977-1986 жж. аралығында Панфиловколхозстрой' құрылыс тресінде, 1991-2007 жж. аралығында Ақтау мемлекттік университетінде (1991-1995 жж. -оқытушы, аға оқытушы; 1995-2006 жж.- оқу бөлімі, оқу орталығы, оқу басқармасының бастығы; 2006-2007 жж. институт директоры және осы 1995-2007 жж. қосымша 0,5 ставкада доцент, профессор ) қызмет еттім. Жұмыста үзіліс тек 1978-80 жж. Кеңес әскері қатарында қызмет еткенде, 1980-1983 жж. Алматы құрылыс техникумында күндізгі және 1986-1991 жылдары Қарағанды политехникалық институтында күндізгі бөлімдерінде оқыған кезде болды. 2008 жылдың 17 қаңтар айынан бастап Л.Гумилев атындағы ЕҰУ-тінде Оқу-әдістеме жұмысы бөлімінің бастығы (G-7) лауазымында және осы жылдың 5 ақпанынан бастап қосымша 0,5 доцент (G-6) қызметіне қабылдандым. Енді менде төмендегі сұрақтар бар:1. Кадр бөлімі «Оқу-әдістеме жұмысы бөлімінің бастығы» еңбек стажымды (өтілімімді) 10-11 жыл аралығын қойды, осы дұрыс па? 2. Кадр бөлімі «0,5 доцент» стажымды (өтілімімді) 10 жыл аралығын қойды, осы дұрыс па? 3. Техн.ғыл.кандидаты ғылыми атағыма бір айлық мөлшеріндегі тиесілі қосымша төленбейді, осы дұрыс па? 4. Маған қанша күнтізбелі демалыс және әлеуметтік кепілдіктер тиесілі?5. «Білім» туралы заңға және басқа қаулыларға сәйкес педагог қызметкерге жатамын ба?Рахмет!
Жауап: 

Құрметті Тұрашев А.С. Білім беру ұйымдарының қызметкерлеріне жұмыс стажын белгілеу тәртібі Қазақстан Республикасы Білім және ғылым министрінің 2002 жылғы 21 ақпандағы № 105 «Білім және ғылым ұйымдарының мемтекеттік қызметші емес қызметкерлеріне мамандық бойынша жұмыс стажын белгілеу Ережесін бекіту туралы» бұйрығымен айқындайды.

Толық ақпарат алу үшін саулыңызды Қазақстан Республикасы Білім және ғылым министрлігіне жіберуіңізге кеңес береміз.

Еңбекақы төлеу әдіснамасы бөлімінің жетекші маманы Бейсембаева Д.А.

Сұрақтың нөмірі: 208250
25 ақпан, 2008 - 00:00 өзгертілді
Cәлемесіз бе? 2006 жылғы 23 қаңтаран 28 ақпан аралығында Еңбек келісіммен шартқа отырған, осы жағдайда еңбек кітапшасына енгізуге болама? Ешқандай бұйрық шықпаған?
Жауап: 

Еңбек шарты – қызметкер мен жұмыс берушінің арасындағы жазбаша келісім, бұған сәйкес қызметкер белгілі бір жұмысты (еңбек функциясын) жеке өзі орындауға, еңбек тәртіптемесінің ережелерін сақтауға міндеттенеді, ал жұмыс беріші қызметкерге келісілген еңбек функциясы бойынша жұмыс беруге, осы Кодексте, Қазақстан Республикасының заңдары мен өзге де нормативтік құқықтық актілерінде, ұжымдық шартта, жұмыс берушінің актілерінде көзделген еңбек жағдайын қамтамасыз етуге, қызметкерге уақтылы және толық мөлшерде жалақы төлеуге міндеттенеді.

Қазақстан Республикасының Еңбек кодексінің (бұдан әрі - Кодекс) 35 - бабы 3 - тармағына сәйкес, жұмыс беруші қызметкердің еңбек кітапшасына (ол бар болған кезде) ұйымдағы еңбек қызметі туралы тиісті жазбалар енгізуге міндетті.

«Еңбек кітапшаларын жүргізу және сақтау ережелерін және нысандарын бекіту туралы» Қазақстан Республикасы Еңбек және халықты әлеуметтік қорғау министрінің 2007 жылғы 5 шілдедегі № 149-ө бұйрығының 16 - тармағына сәйкес жұмысқа қабылдау, еңбек шартын бұзу, басқа жұмысқа ауысу, сондай-ақ, марапаттаулар мен көтермелеулер туралы барлық жазбалар жұмыс беруші уәкілеттік берген тұлға жұмыс берушінің тиісті актісінің жариялануынан кейін енгізеді және жазба оның мәтініне сәйкес келуі тиіс.

Барлық жазбалар жұмыс берушінің актісіне сәйкес еңбек шартын жасасқан немесе оны бұзғаннан кейін жазылады (Ереженің 7- тармағы) .

Тиісті акті (жұмысқа қабылдау немесе жұмыстан босату туралы бұйрық) негізінде жұмыс беруші себебін көрсете отырып, еңбек кітапшасына жазба жасауға міндетті.

Қызметкермен еңбек шартын бұзған кезде, барлық жазбалар жұмыс берушінің қолымен және мөртаңбасымен расталады.

Куатбекова Ж.А., 743504

Сұрақтың нөмірі: 208344
23 ақпан, 2008 - 00:00 өзгертілді
Саламатсыз ба?Сіздерден сұрайын дегенім 2007 жылдың 17 шілдесінен бастап Қазақстан Республикасының 'Мемлекеттік құпиялар туралы' Заңының 12 бабының 36 тармағының негізінде емтихан сұрақтарының жауаптары мемлекеттік құпия қатарына жатқызылауына байланысты 'Білім беру мен тестілеудің мемлекеттік стандарттарының ұлттық орталығы' РМҚК-ның қызметкерлеріне мемлекеттік құпияны сақтау жүктеліп отыр. Осыған орай Қазақстан Республикасының Үкіметінің 29.12.2007 жылғы №1400 қаулысының 14 қосымшасына сәйкес орталық қызметкерлеріне базалық қызмет ақыдан 25% қосымша ақы төлене ме?
Жауап: 

Құрметті Жаннұр! Қазақстан Республикасы Үкіметінің 2007 жылғы 29 желтоқсандағы № 1400 «Азаматтық қызметшілерге, мемлекеттiк бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлерiне еңбекақы төлеу жүйесі туралы» қаулысына сәйкес «Білім беру мен тестілеудің мемлекеттік стандарттарының ұлттық орталығы» РМҚК мамандарына мемлекеттік және қызметтік құпия құжаттармен жұмысы үшін қосымша ақы көзделмеген.

Толық ақпарат алу үшін саулыңызды Қазақстан Республикасы Білім және ғылым министрлігіне жіберуіңізге кеңес береміз.

Е ңбекақы төлеу әдіснамасы бөлімінің жетекші маманы Бейсембаева Д.А.

Сұрақтың нөмірі: 208343
22 ақпан, 2008 - 00:00 өзгертілді
Уш ай стаждан откен мезгилимде (15/11/07 ж - 21/02/08 ж) кызметкерлердин кыскарылуына (сокращение) байланысты мекеме басшысы буйрыгына сайкес мени жумыстан босатуда. Зан бойынша мен 'сокращение' негизинде жумыстан босатылсам, маган 'компенсация' толеуи шарт. Сынак мерзиминен енди отуиме байланысты мекеме маган 'компенсация' толемеймиз дегени занды ма? Алде есеп айырысудан (расчет) тыс, маган занга сайкес орташа айлык колеминде 'компенсация' толеуге миндетти ме? Рахмет!
Жауап: 

Құрметті Темір Аланбаев! Қазақстан Республикасының Еңбек кодексінің (бұдан әрі - Кодекс) 36 бабына сәйкес сынақ мерзімі кезеңінде қызметкерлерге осы Кодекстің нормалары, еңбек шартының, ұжымдық шарттың талаптары қолданылады.

Осыған орай, Кодексінің 157 бабына сәйкес жұмыс беруші қызметкерлердің саны немесе штаты қысқарған жағдайда жұмыс берушінің бастамасы бойынша еңбек шарты бұзылғанда қызметкерге жұмысынан айрылуына байланысты айына айлық орташа жалақысы мөлшерінде өтемақы төлемін жүргізеді.

орындаушы Б.С.Жұмағұлов, бас маман-бас мемлекеттік еңбек инспекторы

Сұрақтың нөмірі: 208114
19 ақпан, 2008 - 00:00 өзгертілді
Мен, ЖҰБАНАЗАР Аманжол Жұмабайұлы 1972 жылы 26 тамызда Ақтөбе облысы Шалқар ауданына қарасты Қопасор елді мекенінде дүниеге келдім. Қазір Шалқар қаласында (аудан орталығы) тұрамын. Туғаннан осы ауданның тұрғынымын. Институт бітіргеннен соң 1995 жылдан бастап Шалқар қаласына жұмыс жасап келемін. 2004 жылдың сәуір айынан бастап Білім беру мен тестілеудің мемлекеттік стандарттарының ұлттық орталығы №21 Шалқар филиалында жетекші маман болып жұмыс жасаймын. Маған Арал өңіріндегі экологиялық жағдайға сай төленетін үстемақы тиесілі ме? Осы сұраққа жауап беруіңізді сұраймын. Сұрақтың жауабын жазбаша түрде мына мекен-жайға жолдауыңызды сұраймын. Ақтөбе облысыШалқар қаласыТ. Шойғарин көшесі 22 үй, 2 пәтерЭл. почта: azhubanazar@mail.ru
Жауап: 

Құрметті Аманжол Жұмабайұлы! «Арал өңіріндегі қасірет салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 30 маусымдағы Заңында (бұдан әрі – Заң) көзделген қосымша еңбекақы Заңда көрсетілген аймақтарда тұратын, жұмыс істейтін және зардап шеккен азаматтар статусы бар азаматтарға төленеді.

Экологиялық қасірет салдарынан зардап шеккен азаматтар статусы аталған Заңның 2-бөлімімен айқындалған.

Заңның 9-бабына сәйкес экологиялық қасірет салдарынан зардап шеккен азаматтарды тіркеу Қазақстан Республикасы Министрлер Кабинеті белгілеген тәртіппен тұрғылықты жері және экологиялық қасірет аймағындағы бұрынғы тұрған жері бойынша жүзеге асырылады.

Осы көрсетілген екі мәселе бойынша құжаттарыңыз болса келесі төлемдер төленуі тиіс.

Заңның 13-бабы 1-тармағының 2) тармақшасына сәйкес экологиялық қасірет аймағында тұратын халыққа мынадай аудандар бойынша экологиялық қолайсыз жағдайларда тұрғаны үшін коэффициенттер түріндегі еңбекақы төлеу белгіленді:

экологиялық апат – 1,5

экологиялық дағдарыс – 1,3

экологиялық дағдарыс жағдайына жақындаған аймақ – 1,2.

Көрсетілген коэффициенттер қызметкердің лауазымдық қызмет ақысына (тарифтік ставкасына) қоса есептеледі.

Заң қолданысқа енгізілген сәттен бастап экологиялық қасірет аудандарында тұратын халық ай сайын қосымша еңбекақы алады.

Заңның 22-бабына сәйкес азаматтарды әлеуметтік қорғау жөнінде осы Заңда көзделген ережелерді жүзеге асыру республикалық және жергілікті бюджеттер, сондай-ақ ұйымдар мен кәсіпорындардың қаражаттары, ерікті жарналар, қайырымдылық көмек есебінен қаржыландырылады.

Осылайша экологиялық апат салдарынан зардап шеккен қызметкерлерге қосымша еңбекақы төлеу үшін қаражат ұйымның еңбекақы қорын қалыптастыруда көзделеді.

2007 жылғы 15 мамырдағы Қазақстан Республикасының Еңбек кодексі 10-бабының 1-тармағына сәйкес еңбек қатынастары, сондай-ақ еңбек қатынастарына тікелей байланысты өзге де қатынастар еңбек шартында, жұмыс берушінің актісінде, келісімде және ұжымдық шартта реттеледі.

Сондықтан жоғарыда аталған қосымша еңбекақы төлеу еңбек шартында көрсетілуі тиіс.

Сонымен қатар, Қазақстан Республикасының 2001 жылғы 12 маусымдағы № 209 Салық кодексінің 144-бабының 11) тармақшасына сәйкес жеке тұлғалар табыстарының экологиялық апат немесе ядролық сынақ полигонындағы ядролық сынақтар салдарынан зардап шеккен азаматтарды әлеуметтік қорғау туралы Қазақстан Республикасының заңдарына сәйкес төленетін төлемдеріне жеке табыс салығы салынуға тиіс емес.

Қаржы департаментінің директоры М. Аманбаев

Сұрақтың нөмірі: 208056
12 ақпан, 2008 - 00:00 өзгертілді

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Балалар еңбегінің ең жаман түрлеріне қарсы күрес
"Қауіпсіз еңбек" ақпараттық науқаны
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші