X
egov

You are here

2015 жылы «ЖҚЖК 2020» бағдарламасы бойынша 25 мыңға жуық жастар жұмысқа орналастырылды

Қазақстанда 2015 жылдың 1 жартыжылдығының қорытындысы бойынша «Жұмыспен қамту жол картасы 2020» бағдарламасының аясында 15 пен 28 жас аралығындағы 800 жастар жұмысқа орналастырылды. Олардың ең жоғарғы көрсеткіші Оңтүстік Қазақстан облысында (7 мың) болды, Алматы және Қостанай облыстарында сәйкесінше 3 және 2 мың жастар орналастырылды.

Жұмыспен қамту орталығына алғаш рет өтініш білдірген 13 мыңға жуық жастар мемлекеттік қолдау шараларын қолданусыз жұмысқа орналастырылды. Ең жоғарғы көрсеткіш Оңтүстік Қазақстан облысының еншісінде: 3,5 мың адам.

«ЖҚЖК 2020» бағдарламасының 1 бағыты бойынша қатысушылардың инфрақұрылым жобаларына жұмысқа орналастырылған жастар саны 567 болды.    

«ЖҚЖК 2020» бағдарламасының 1 бағыты аясында 285 жастар микронесие алды. Олардың ішінде 210 адам тұңғыш рет өз меншікті ісін ашты. Сонымен қатар, микронесие алушылар қосымша 113 жұмыс орнын ашты.

Сондай-ақ, «ЖҚЖК 2020» бағдарламасының шеңберінде оқу орындарын тәмамдаған түлектер үшін мамандық бойынша алғашқы жұмыс тәжірибесіне дағдылану мақсатында жастар практикасын өту мүмкіндігі қарастырылған. Жастар практикасын өту мақсатында жұмысқа орналастырылған бағдарлама қатысушыларының еңбекақысын субсидиялау мерзімі 6 айдан аспайды. 

Жастар практикасына бағытталған бағдарлама қатысушылары еңбекақысын субсидиялаудың айлық көрсеткіші 18 айлық есептік көрсеткішке тең (36000 теңге).

Сонымен, 2015 жылдың 1 шілдесіндегі мәліметтерге сәйкес жастар практикасынан өткен 4,8 мың адам еңбекке дағдыланды. Аталмыш практикаға қатысқан азаматтардың саны ОҚО, Алматы және Қызылорда облыстарында жоғарғы көрсеткіштерге ие болды.

Мемлекет субсидиялайтын әлеуметтік жұмыс орындарына кәсіптік оқудан кейін 6 мыңнан астам азаматтар тұрақты жұмысқа орналастырылды.

Естеріңізге сала кетейік, 2015 жылғы 11 ақпанда өткен ҚР Үкіметінің кеңейтілген отырысында Мемлекет басшысы «Жұмыспен қамту 2020 жол картасы» бағдарламасының тиімділігін атап айтып, оны жандандыруға тапсырма берді.

Аталған тапсырманы орындау мақсатында:

1. Мемлекеттік және салалық бағдарламалар аясында іске асырылатын инфрақұрылымдық жобаларға жұмыссыз, өзін-өзі жұмыспен қамтыған азаматтарды және аз қамтылған тұрғындарды басымдылық негізінде жұмыспен қамту.

2. Барлық өңірлерде аз қамтылған азаматтарды еңбекке ынталандыруды күшейту үшін пилоттық тәртіпте 1 тамыздан бастап келісім-шарттық негізде шартталған әлеуметтік төлемдер енгізілді. Оларды іске асыру нәтижесінде заң жобасы әзірленеді. 
    Ағымдағы жылы бағдарламаны әрі қарай іске асыруға 37,3 млрд. теңге (2014 ж. – 94,3 млрд. теңге, 2013 ж. – 102,9 млрд. теңге, 2012 ж. – 57,6 млрд. теңге) қарастырылған.  

 

19 тамыз, 2015 - 19:10 өзгертілді
ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Әлеуметтік қызмет көрсету жүйесін одан әрі жаңғырту тұжырымдамасы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші