Ядролық сынақтардан зардап шеккен азаматтарды әлеуметтік қорғау шараларын жетілдіруге қатысты жиын өтті | Қазақстан Республикасы Еңбек және халықты әлеуметтік қорғау министрлігі
X
egov

You are here

Ядролық сынақтардан зардап шеккен азаматтарды әлеуметтік қорғау шараларын жетілдіруге қатысты жиын өтті

Дөңгелек үстел

Семей қаласының 300-жылдығы аясында «Семей полигонындағы ядролық сынақтардың салдарынан зардап шеккен азаматтарды медициналық-әлеуметтік қорғау шараларын жетілдіру бойынша ұсыныстар әзірлеу» тақырыбында дөңгелек үстел өтті.

Отырысқа Жапония, Германия, Ресей және Беларусь елінен халықаралық сарапшылар, Қазақстан Республикасы Парламенті Мәжілісінің депутаттары, сондай-ақ мүдделі мемлекеттік органдардың, үкіметтік емес ұйым өкілдері және ғалымдар қатысты.

Кездесу барысында иондаушы сәулеленудің әсерінен болатын медициналық-әлеуметтік қатерлерді бағалау, соның зардабына ұшыраған халықты қорғау және оңалту шараларын ұйымдастыру жөнінде мәселелер талқыланды.

Жиын кезінде Жапония, Германия, Ресей, Беларусь сияқты елдердегі радиациялық әсерден зардап шеккен азаматтарды медициналық-әлеуметтік қорғау шараларымен қамтамасыз етуге ерекше көңіл бөлінді.

Талқылау нәтижесі бойынша Семей ядролық сынақ полигонындағы ядролық сынақтардың салдарынан зардап шеккен азаматтарды медициналық-әлеуметтік қорғау шараларын жетілдіру бойынша міндеттерді тәжірибе жүзінде жүзеге асырудың негізгі бағыттарын ұғынудағы жалпы позициялар келісілді, оларды одан әрі орындау бойынша нақты ұсыныстар әзірленді.

«Бүгінгі күні әлемде әлеуметтік-құқықтық жүйеде интеграциялық процестер айтарлықтай күшейді. Жаһандану әрбір мемлекеттің заңнама жүйесіне әсерін тигізіп және мемлекеттердің дамуында негізгі тенденцияларды айқындайтын факторлардың бірі болуда, бұл құқықтық қоғамдастықтан өзара іс-қимылдың жаңа тәсілдерін, шоғырландыру мен үйлестірудің жаңа тетіктерін әзірлеуді талап етеді.

Сондықтан, халықты әлеуметтік қорғау саласындағы өзекті  мәселелерді шешудің перспективалы нысаны ретінде, ядролық сынақтан зардап шеккен азаматтарды әлеуметтік-медициналық қорғау шараларын жетілдіру бойынша тәжірибемен алмасу және бірлескен тиімді ұсыныстар әзірлеу жөнінде тәжірибелі алаң ретінде осы дөңгелек үстелдің маңыздылығын жоғары бағалаймыз.» -деп атап өтті жиында сөз алған ҚР Еңбек және халықты әлеуметтік қорғау вице-министрі Светлана Жақыпова.

Айта кету керек, іс-шара Еңбек және халықты әлеуметтік қорғау министрлігінің тапсырысы бойынша Денсаулық сақтау министрлігінің Радиациялық медицина және экология ғылыми-зерттеу институтымен бірге жүргізіліп жатқан «Семей ядролық сынақ полигонының әрекеті нәтижесінде иондаушы сәулелену әсеріне ұшыраған халықты қорғау және оңалту шараларының тиімділігін бағалау» тақырыбындағы сараптамалық зерттеудің шеңберінде өткізілді.

28 наурыз, 2018 - 11:27 өзгертілді
ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Әлеуметтік қызмет көрсету жүйесін одан әрі жаңғырту тұжырымдамасы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші