X
egov

You are here

2018 жылдың 1 шілдесінен Қазақстанда базалық зейнетақы көлемі артады және балалық шақтан бастап І топ мүгедектер қамқоршысына жаңа жәрдемақы енгізіледі

ОКҚ баспасөз мәслихаты

Бұл туралы Орталық коммуникациялар қызметінің баспасөз мәслихатында Еңбек және халықты әлеуметтік қорғау министрі Мәдина Әбілқасымова мәлімдеді.

Жиынның негізгі тақырыбы Еңбек және халықты әлеуметтік қорғау министрлігінің 2017 жылға дейінгі жұмысының қорытындылары және 2018 жылы атқарылатын істердің басым бағыттарына арналды.

Баспасөз мәслихатын ашқан ведомства басшысы Елбасы тапсырмаларын орындауда жүзеге асырылып жатқан әлеуметтік-еңбек саласындағы айтарлықтай өзгерістер туралы баяндап берді.

Әлеуметтік қолдау жүйесін жетілдіру мақсатында биыл 2 шілдеде Мемлекет басшысы «Әлеуметтік қамсыздандыру мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заңға қол қойды. Аталған заң 18 жасқа толған бала кезінен І топтағы мүгедектердің қамқоршысына арналған жаңа нұсқаулықты енгізуді көздейді. Бұл шамамен 14 мың отбасына ай сайын 30 мың теңге көлемінде ақшалай көмек алуға мүмкіндік береді.

Әлеуметтік-еңбек саласындағы тағы бір оң өзгеріс, 2018 жылы Атаулы әлеуметтік көмек көрсетудің жаңа форматы енгізілді. Бұл аз қамтылған отбасылардың еңбекке қабілетті мүшелерін жұмысқа орналастыруға жәрдемдеседі.

Сонымен, биыл соңғы 5 айда АӘК шамамен 72 мың отбасына берілді. Аталған көмекті алған еңбекке қабілетті азаматтардың 70%-ы жұмыспен қамту шараларына тартылып отыр, ал, жәрдемақылар көлемі орташа есеппен екі есеге өсті.

Министр биыл 1 шілдеден бастап зейнетақының негізгі деңгейі жаңғыртылғанын айтты.

«Мемлекет басшысының жолдауын іске асыру мақсатында зейнетақы жүйесі толық еңбек өтілінің мерзіміне байланысты болады. 2 миллионнан астам зейнеткердің зейнетақысы өседі, оның ішінде 1 миллионға жуық адам ең жоғарғы мөлшерде базалық зейнетақы алатын болады, ал 930 мың адамның зейнетақысы 37% -дан 81% -ға дейін көтеріледі. Осылайша, базалық зейнетақының орташа мөлшері 2017 жылмен салыстырғанда 1,8 есеге артады», - деді Мәдина Әбілқасымова.

Елбасының шағын несиелеуді кеңейтуге бағытталған төртінші әлеуметтік бастамасын іске асыру, халықты табыспен қамтамасыз етудің маңызды шарты. Мемлекет басшысының қойған міндетіне сәйкес, бұл үшін қосымша 20 млрд теңге бөлініп, оған жұмсалатын қаржы 62,4 млрд. теңгеге жетіп отыр. Осының нәтижесінде жеке ісін ашқысы келетін 14 мың адам шағын несиемен қамтылатын болады.

Сондай-ақ, Министр Еңбек және халықты әлеуметтік қорғау министрлігінің 2017 жылға арналған жұмысының қорытындысына тоқталды.

Ведомства басшысы атап өткендей, 2017 жылы қабылданған әлеуметтік міндеттемелер толығымен орындалды.

«Мемлекеттік әлеуметтік жәрдемақылар мен әлеуметтік көмек саласына 2017 жылы 2,1 трлн. теңге қаржы қарастырылды, бұл 2016 жылмен салыстырғанда 13% -ға жоғары болды және республикалық бюджет шығыстарының 26%-ын құрады. 2017 жылы 2 миллионнан астам қазақстандықтың зейнетақысы екі есе артты, оның мөлшері 20 пайызға өсті. Бір жасқа дейінгі бала күтіміне берілетін әлеуметтік төлемдер көлемі 7% -ға артты.» - деді М.Әбілқасымова.

Нәтижелі жұмыспен қамту және жаппай кәсіпкерлікті дамыту бағдарламасы шеңберінде 576 мың азамат жұмыспен қамту шараларына қатысып, 450 мың адам тұрақты жұмысқа орналасты.

Жаппай кәсіпкерлікті дамыту туралы айтқан ведомства басшысы, «Атамекен» ҰҚП-мен бірлесіп жүзеге асырылып жатқан «Бастау-Бизнес» жобасының аясында микрокредиттеудің жаңа форматына және кәсіпкерлік негіздерін оқытудың мүмкіндіктеріне тоқталды. Жалпы былтыр 15 мың адам кәсіпкерлік негіздерін оқыды. Бұдан бөлек, 7,2 мың адам шағын несие алып, олардың 4 мыңнан астамы іске асырылатын start-up жобаларға бағытталды. Осының көмегімен 4,3 мың қосымша тұрақты жұмыс орындарын құруда маңызды мультипликативтік нәтижеге қол жетті.

Еңбек ұтқырлығын ынталандыру үшін жұмыс күші мол аймақ тұрғындары солтүстік өңірлерге көшіріліп, 1565 отбасы қоныс аударды. Бұл көрсеткіш 2016 жылмен салыстырғанда 8 есеге артты.

Қауіпті еңбек жағдайлары мен өндірістік жарақаттардың алдын алу үшін жұмыс берушілер кәсіподақтармен бірге 12 мыңнан астам өндірістік кеңестер құрды. Республикадағы 1700-ден астам ірі кәсіпорын еңбек қорғау стандарттарын енгізді, 1500 жұмыс беруші жұмыс орындарында аттестациялау жұмыстарын жүргізді.

Министрліктің қабылдаған шаралары нәтижесінде 2017 жылы 3 млрд. теңге көлемінде берешек өтеліп, 25 мың жұмысшының құқығы қорғалды.

2017 жылы қол жеткізілген оң нәтижелі істердің барлығы 2018 жылы халықтың әлеуметтік қорғалуы мен азаматтардың өмір сапасын одан әрі арттыруға негіз болады.

Мадина Әбілқасымованың айтуынша, 2018 жылы Мемлекет Басшысының алға қойған міндеттерін ескере отырып, министрліктің жұмысы бірқатар басымдықтарға бағытталған. Олар - азаматтардың жекелеген санаттарын әлеуметтік қолдау жүйесін жетілдіру; жаңа экономика үшін қалыптасқан кадрлар даярлау; жұмыспен қамтуды ресімдеу және барлық қазақстандықтарды әлеуметтік қамсыздандыру жүйесіне қосу; лайықты еңбек жағдайларын қамтамасыз ету және қызметкерлердің еңбек құқықтарын қорғау болып табылады.

Осы мақсаттарды іске асыру үшін 2018 жылдың 1-қаңтарынан бастап ең төменгі күнкөріс деңгейінің құрылымы қайта қаралды. Нәтижесінде осыған байланысты 3 миллионнан астам қазақстандыққа берілетін барлық әлеуметтік төлемдер 16%-ға дейін ұлғайды.

  Әлеуметтік сақтандыру жүйесінде әлеуметтік төлемдердің параметрлері олардың жұмыс тәжірибесімен байланысын күшейту үшін қайта қаралады және коэффициенттердің артуы қолданылады. Тиісті заң жобасы жыл соңына дейін әзірленетін болады.

Ерекше қажеттіліктерге мұқтаж адамдарға әлеуметтік қызмет көрсету жүйесі түбегейлі өзгереді. Мүгедектердің медициналық-әлеуметтік сараптамасының тәртібі мен мерзімдерін оңтайландыру мақсатында медициналық және әлеуметтік сараптаманың жаңа форматы жасалды және пилотты режимде жүргізілді. 

  2018 жылдың соңына дейін мүгедектікке қатысты 8 қызмет белсенді режимге көшеді.

 Әлеуметтік жұмысшылар біліктілігін жетілдіру үшін 2018 жылы Әлеуметтік жұмыс жөніндегі ұлттық ресурстық орталық құрылады.

 Осы шаралардың нәтижесінде 500 мыңнан астам мүмкіндігі шектеулі жандарға және өмірлік қиын жағдайға тап болған 100 мыңнан астам адамға қызмет көрсетудің қолжетімділігі жақсарады.

 Бесінші басымдықты іске асыру шеңберінде 2018 жылы Жұмыспен қамтуды дамыту бағдарламасын жүзеге асыруға 110,6 млрд. теңге бөлінді, бұл 500 мыңнан астам азаматқа жұмысқа орналасуға жәрдемдесу шараларын қамтуға мүмкіндік береді.

Биыл министрлік еңбек нарығын жаңғырту және сынақтарға дайындау бойынша жаңа жұмыс бастады. Қандай кадрларға сұраныс бар соған болжам жасайтын жүйені дамыту. Биыл жаңа кәсіптердің Ұлттық жіктемесі енгізілді. Оның көмегімен еңбек ресурстарының құрамы мыңға жуық мамандықтар топтамасына бағаланады. Ұлттық біліктілік шеңберін қалыптастыру жалғасады. Сол бойынша жұмыс берушілер мамандықтар бойынша білім мен дағдылар жиынтығының кәсіби стандарттарын анықтайтын болады.

 Бүгінгі таңда, ірі кәсіпорындармен бірлесіп, еңбек ресурстарын басқаруға арналған «Жол карталарын» әзірлеу және оған қол қою, босаған қызметкерлердің болжамын, оларды қайта даярлауға және одан әрі жұмысқа орналасуға жәрдемдесуді көздейтін жұмыстар жүргізілуде.

Қазіргі кезде республиканың 387 кәсіпорнымен 400 мыңнан астам адам жұмыс істейтін Жол карталарына қол қойылды. 139 ірі кәсіпорынмен жұмыс жүргізілуде.

Еңбек дауларының қаупін болдырмау үшін оны шешудің жаңа шаралары бекітіледі.

Азаматтардың нәтижелі жұмысқа орналасуына және тұрақты табыс табуына  арналған интернет-портал негізінде жұмыс істейтін Электрондық еңбек биржасы  enbek.kz  онлайн-платформасы құрылды. Онда жұмыс іздеу және жұмысқа қабылдау тетіктері көрсетілген.  Бүгінде бұл интернет-порталда 42 мыңнан астам бос жұмыс орны, 85 мыңнан астам түйіндеме және 48 мыңнан астам жұмыс беруші тіркелген.

Сонымен қатар, биыл өзін-өзі жұмыспен қамтыған азаматтарды тіркеудің құқықтық және әлеуметтік негіздерін жасау үшін Жұмыспен қамтуды рәсімдеу туралы заң жобасы енгізілді. Бұл жаңа құқықтық Бірыңғай жиынтық төлемді құруға бағытталған.

Министр атап өткендей, ведомстваның нақты бағыты - цифрландыру. Министрлік азаматтардың, оның ішінде мүгедектердің мемлекеттік органдарға өтініш жасамай-ақ, көрсетілетін белсенді қызметтерді жүзеге асырады. Жұмыспен қамту процесі электронды форматқа ауыстырылады: ол - жұмыс іздеуден бастап электронды еңбек кітапшаларын енгізу.  

4 шілде, 2018 - 15:59 өзгертілді
ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Әлеуметтік қызмет көрсету жүйесін одан әрі жаңғырту тұжырымдамасы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші